De beç an quando hai que mostrar un pouco de l que tenemos i que muitas bezes nun ye bien coincido i outras bezes ye eignorado.
Quando mos besitan ls turistas i pregúntan l que hai para ber, muitas de las bezes nun sabemos respunder, quando hai tanta cousa. I muitas cousas de que nun mos damos cunta.
Cumo se puode ber por la anscriçon, la capielha fui feita ne l anho de 1759.
La anscriçon cun la data
La anscriçon stá po riba de la puorta de la antrada.
Mas la capielha daba para ua besita bien splicada. Mas you bou a dar ua pequeinha amostra de l que se ancontra alhá i que todos debeis saber para splicar a quien bos lo preguntar. Cumo l spácio eiqui ye pequeinho bou a tener que screbir an dous ou trés dies.
Ex-voto al “Senhor da Boa-Morte”
Estas pinturas na madeira éran mui usadas naqueilha altura i quaije todas las que se conhécen éran parcidas i ampecában de l mesmo modo. Éran para agradecer un milagro ou para cumprir ua pormessa. Esta stá na parede de l lado dreito de la capielha.
Diç assi:
Milagre que fez o Senhor da Boa-Morte, a Manuel Ruano, que indo embarcado na Fragata Vera Cruz Triunfo, levantou-se tão grande temporal, que andaram 4 horas debaixo da água e apegou-se ao dito Senhor e logo se abrandaram as águas e ficaram todos livres de perigo. (o texto foi por mim corrigido para melhor comprensão).
Pintura na parede
Esta pintura representa la fuga de Nossa Senhora i San Jesé, cun l Nino Jasus, para l Eijito, d’a cabalho nua burra. Fugien de Harodes, que querie matar todos ls ninos.
Cuntinamos manhana…
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
