Bomioso -2
Sendin - 1
L G.D.S.( GRUPO DESPORTIVO DE SENDIM) fui a Bomioso a jogar para la taça de la A.F.Bragança. Fui ua tarde de Sol i l jogo tamien fui agradáble.
Ne l purmeiro tiempo l Bomioso antrou cun toda la fuorça, mas solo aguantou meia hora, l resto de l tiempo fui l Sendin que dominou l jogo. Mas cun la puntarie desafinada, tanto uns cumo ls outros nun marcórun golos i al anterbalo l resultado era 0-0.
L Sendin a fazer pression alta
Na segunda parte fui l cuntrairo, l Sendin antrou melhor i lougo fizo 1-0. Todo parcie resolbido quando l Bomioso ampata i todo se cumplicou. Cumo ne l purmeiro jogo yá tenien ampatado, tenie que se resolber la eileminatória.
L jogo parcie resolbido jogaba-se no meio campo
L jogo animou bastante i la bola andaba ora nun campo ora ne l outro. L que marcasse un golo ganhaba l jogo.
L bomioso fui mais feliç i cun l apoio de la sue giente, jogaba an casa, alhá marcou l 2-1.
L Bomioso a segurar l resultado
Fui ua buona tarde de futebol i que la giente passou cun buona çposiçon i agrado.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
