QUIEN FAÇ LA STÓRIA?
Hai bários modos de ber la stória i hai tamien bários modos de la cuntar. Nun se trata eiqui de descutir esso, a nun ser que alguien querga armar cunfusones i se digo esto, ye porque hai siempre quien nun guste de ber fazer nada. Mas cumo la grande maiorie de la giente gusta de l Hoije , bou a cuntinar.
Ua de las cousas que mais gústan ye de todo l que ten a ber cun las pessonas.
Este era l rancho hai mais de 25 anhos
La bandeira era un palo i ua traba pintada, mas quien la lebaba, era cumo se fusse feita de setim. Ls garoticos que se béien son hoije pais de filhos. Yá ls filhos aparcírun ne l Hoije . Naquel tiempo nun habie l HOIJE i cumo un de ls filhos dezie para l pai : you sou mais amportante que tu, que yá stou na anternete, lembrei-me de poner ls pais.
I estes quien ls conhece?
Siempre gustei de tirar retratos i muitos son hoije amportantes para se fazer stória. Ne l titalo preguntei :
-Quien faç la stória?
- Son las pessonas i estes garoticos que hoije bedes ne ls retratos i que yá ténen filhos a cuntinar Sendin, fazírun stória ne l sou tiempo.
Ye l que bos mostro hoije.
Para ls que pedírun
Mostrai als buossos filhos que Sendin era i cuntina a ser ua grande tierra.
I para ls que dízen que esto son pantominas, que fágan algo que se béia, porque nós cuntinamos siempre.
Este testo stá screbido cun l- na ampeço de palabra, a la moda de l mirandês de Sendin, cunsante la 1ª. Adenda a la Cumbençon Ourtográfica de la Lhéngua Mirandesa.
