An Sendin, siempre oubi chamar benediços als que benien de outras tierras a bibir para cá.
Hoije bou a dar ua nuoba que alguns yá saberán, mas que la maior parte nunca oubiu falar.
Cumo stou ne l Porto fui a la Biblioteca Municipal, cumo fágo muitas bezes i çcubri alhá l que bos bou a cuntar.
La Biblioteca Municipal de l Porto
Ne l anho de 1945 ls benediços criórun ua comisson para fazer la fiesta de San Sebastian. Ne l die 20 de Janeiro desse anho fazírun la fiesta tradicional i na percion, la comisson iba toda a la frente. Zde esse die ampeçórun a trabalhar para fazer ua grande fiesta ne l Berano.
San Sebastian
Ne l Berano de 1945 fui la fiesta, ne ls dies 11 i 12 de Agosto. La fiesta fui ne l largo de San Sebastian. Tenien todo anfeitado cun pinhos i bandeiras i yá nessa fiesta ponírun eiluminaçon eilétrica, cun un gerador, para l arraial que durou até de madrugada.
L largo cumo ye hoije
La fiesta fui ua de las maiores que se fazírun an Tierras de Miranda. Yá nessa fiesta se fizo un torneio de tiro als pratos i un jogo de bola. L torneio de tiro als pratos fui ganho por la eiquipa de Mogadouro. L jogo de bola fui tamien antre Sendin i Mogadouro i tamien ganhórun ls de Mogadouro.
Este testo stá screbido cun l- an ampeço de palabra, a la moda de l mirandés de Sendin, cunsante la 1ª. Adenda a la Cumbençon Ourtográfica de la Lhéngua Mirandesa.
