Yá quatro anhos que se faç l jantar de mulhieres sendinesas i todos ls anhos bénen muitas sendinesas d’acá ou casadas cun sendineses, de todo lado. Ye mais ua einiciatiba para ajuntar ls sendineses i esta ye de mulhieres i que ten l apoio de Sendin. Hai siempre eicessones, mas la maiorie queda cuntenta mesmo las que nun puoden ir.
Ne fin de l jantar a oubir cantar (Karaoke)
Falei cun alguas antes de antráren i lougo me perguntórun se iba a dar la nuoba, claro que si, mas cumo nun tenie alhi la máquina de retratos mandórun-me por eilha, mas you lougo l dixe que l hoije tamien ten mulhieres a colaborar i ne l que toca al jantar, you nun tenie nada que me meter. Solo a screbir la nuoba i a poner ne l HOIJE. Le jantar fui l normal.
Las mulhieres a beiláren
Las mulhieres íban todas bien porparadas, mal nun era, era la sue fiesta!.. Mas las sendinesas son siempre guapas i ber-las assi cuntentas i felizes inda parecíen mais. Ne l fin de l jantar fazírun baile i cantórun, l que nun era de ademirar, yá que tenemos un grupo coral cun CDs grabados i todo. Un die tengo que mostrar tamien esso para quien nun sabe.
Las mulhires ne l café a beiláren
La discoteca tenie cumo porgrama “l die de la mulhier” i las mais nuobas fúrun alhá, mas las outras inda fúrun al café Fuonte Nuoba, onde l duonho l oufereciu ua bebida de grácia. Cumo ne l café tocaba un cunjunto, inda dou para beilar i assi passórun mais un die de alegrie.
Las mardomas bielhas i las nuobas
Para l anho yá fúrun andicadas las mardomas que son Olga Arteiro, Matilde César i Fátima Martins. Las deste anho fúrun Justina i Felipa Xastre.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
