L Gobernador Cebil besitou hoije alguas corporaçones de bumbeiros de l Çtrito para antregar las medalhas de partecipaçon ne l DFCI ( Despositibo Florestal de Cumbate a ( Incêndios) Fuogos. La nuossa corporaçon fui besitada a las 11h de la manhana. L HOIJE staba alhá i registrou todo.
La apersentaçon de la formatura de receçon
A falar cun Antonho Chacho que apersentou la formatura
Apuis de la apersentaçon de l grupo de anterbençon i de haber feito alguas recomendaçones, l Gobernador Cebil cumprimentou un a un todos ls bumbeiros i bumbeiras, que tamien las habie ne l grupo. Todos eiquipados cumo debie ser, mais ua beç mostrórun que ye un grupo bien anstruido.
L Gobernador a fazer las recomendaçones
A cumprimentar ua bumbeira
L purmeiro grupo de anterbençon de cumbate als fuogos recibe ua medalha que ls bai a eidentificar. Para nun demorar muito tiempo i porque tenie que ir a outras corporaçones, l Gobernador ampuso ua medalha al comandante i antregou-le las outras para todos ponéren.
A amponer la medalha al comandante
A seguir passou rebista a las anstalaçones acumpanhado por l respunsáble de la proteçon cebil de l Çtrito. L Gobernador Cebil, Jorge Gomes, cumo sabeis, stá casado cun ua sendinesa i bibiu muitois anhos antre nós i bie-se que staba cuntento de ber ls moços i moças que biu crecer, agora alhi prontos para l cumbate als fuogos.
Alfredo cun la medalha, stá pimpon
Quien nun queda cuntento de ber?!...
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
