Todo mundo cuidaba que l Festibal Antrecéltico yá nun se iba a fazer nas Eiras, mas la Câmara, cun la sue eiquipa que ten a trabalhar an Sendin i que ten sido ancansáble, assi cumo ls maquinistas ten yá todo quaije pronto. L terreno yá stá alisado i pronto para se poder outilizar. Inda nun ye defenitibo, mas sirbe bin.
L campo atrás de las bombas de gasolina
L parque bisto de la scuola anfantil
Yá se ampéçan tamien a ber las casotas para ls serbicios de apoio i de amostra de las cousas regionales. Yá bai tapado alrededor i nestes dous ou três dies yá queda todo pronto. Mário Correia ten sido ancansáble, mas percisa de mais apoio de las associaçones. I nun se puode falar an ajuda an dinheiro, mas an trabalho.
La parte de las casotas
L parque bai a ser ua obra mui amportante para Sendin i nun ye solo por cousa de l Festibal, mas porque bai a tener ua parte para las pessonas podéren passear i cumbibir. I cumo queda acerca de l Lar de la terceira eidade, bai a ser un sitio onde ls mais bielhos puoden star.
La parte de ls lagos
Las obras que ban a ambelezar l campo todo ye l que bai a quedar mais caro i que bai a lebar mais tiempo, mas speramos que apuis de l Festibal ls trabalhos nun páren.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
