Ye l 10º. anho que fázen ua cuncentraçon de motas, an Sendin. Son trés dies de fiesta i de cumbibio antre ls motards de Pertual i Spanha. Muitos sendineses que stan por l mundo afuora bénen nestes dies a la cuncentraçon de motas. I podeis acreditar que tamien hai muita mulhier.
La antrada para l sitio de la cuncentraçon
L sitio de la cuncentraçon ye na abenida de la pecina, onde ténen todas las cundiçones. La abenida ye larga i mui cumprida i ténen l jardin por trás de la pecina para ponéren l palco de ls cunjuntos i las casotas de las bebidas. La picina sirbe de apoio i l parque de campismo ye mesmo alhi acerquita.
L palco
La abenida toda porparada para la mostra de las motas
Onte houbo fiesta a la nuite, cun l cunjunto Triangulo, de Sendin i que hoije tamien toca. A la tarde de hoije fui la mostra de las hablidades de las motas i stubo muita giente. Para fazer estes spetáclos ye perciso muito trabalho i ls homes de l clube de las motas, tenien todo debidamente ourganizado.
La giente que habie
Ua mota an eisibiçon
Apuis fui l jantar i bai a cuntinar la fiesta cun música i bárias atibidades para la mocidade i a las dues de la manhana haberá l tradicional spetáclo de Striptease.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
