Hoije ye l die de San Tiago Maior, die 25 de Julio i las ubas ampéçan a raçar i l dito de ls antigos assi l diç:
Pul San Tiago,
Pinta l bago.
Ende teneis la proba
Fui a la binha I yá ancuntrei tinta raçada. Ye berdade que tengo ua qualidade de ubas que amadurécen mui cedo i por este tiempo yá se ampéçan a comer, mas yá habie de las outras tamien raçadas. De las de cedo yá dou para you i la mulher comermos.
Cun ua na mano
Yá hai muita giente que ten destas ubas, que you todos ls anhos dou puas para anchertáren, mas era buono que se apostasse mais neilhas, porque serie ua fuonte mais de rendimento. Noutras zonas de Pertual yá hai ubas maduras, mas l dito de San Tiago diç-se por todo l lado. Tamien hai outro que se oube:
Pul San Tiago
Na binha ancuntrarás bago,
Se nun fur maduro,
Será anchado.
Esta yá iba tamien madura
Mas este anho las ubas son poucas i la yerba muita. Cada beç hai menos giente para trabalhar ne l campo, mas tamien l resultado que se tira, nin dá para comer.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
