Para que todos ls sendineses téngan coincimento, bou hoije a mostrar-bos ua coleçon de pieças de arqueologie, onde se puoden ber muitas pieças de las bárias alturas de la stória zde l paleolítico até a la eidade média. L que mostra que l termo de Sendin fui habitado zde essa altura i até hoije.
Spositor
Artimanhos de l paleolítico i de l mesolitico
Un artimanho desse tiempo
Hai an Sendin bários poblados de todas essas alturas i ten sido nesses poblados que se ténen ancuntrado todos esses artimanhos sin scabaçones. Se fússen bin studados, poderiemos tener bários sítios para ls studantes de arqueologie podéren benir a la nuossa tierra i tamien muita giente que se anteressa por estas cousas.
Artimanhos de l neolítico i de l calcolitico
Un machado de piedra
Zde mais de 30 anhos que se fázen studos por todo l termo i an muitos tenemos colaborado, mas l duonho de la sposiçon, que mais se puode chamar un museu, ten feito todo para que las outoridades fágan algua cousa por la nuossa stória, mas sin resultado. Mas tamien se puoden fazer cousas sin apoios i por esso Sendin ten un museu particular, cumo l Stado nun ten ne l cunceilho.
Ua piedra de moler
Artimanhos de barro
De la época romana tamien tenemos muitos artimanhos i de la eidade média inda mais. Fúrun ancuntradas monedas de l tiempo de ls iberos i bários artimanhos de l l tiempo de ls romanos. Son inda amportantes las puntas de setas mediabales.
Tenemos l coincimento i las cousas para trabalhar, bonda que mos déixen fazer-lo an paç.
Puntas de setas
Artimanhos de cobre i fierro
Muito haberie que screbir, mas ls retratos dízen mais. Mas ne l sitio de ls retratos podereis ber muitos mais.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
