Todo mundo fala ne l festibal cumo se fura solo un ou dous cuncertos de música l que serie yá mui amportante, mas l festibal ye muito mais, ye ua manifestaçon de cultura que faç de Sendin ua refréncia cultural para todo l Nordeste de Pertual i que torna Sendin cumo que ua luç ne l ouniberso cultural de Pertual.
Cuncerto de la familha Fernandes
L HOIJE mostra siempre l que se faç, mas chama tamien a la atençon de muitas cousas que son amportantes. Ne ls dies que se ban a seguir, iremos dando cunta de todo l que se bai fazendo, mas ye amportante, hoije, chamar la atençon para l que se bai a fazer i que nun ye muito de l coincimiento de la giente.
Houmenage a tiu Bregílio Cristal
Las dues atibidades que se ban a fazer i de que you mostro ls cartazes, son mui amportantes i cumo manifestaçones culturales de l maior segneficado, serie buno que ls que podíssen, partecipássen. A las 16h l cuncerto comentado, por ls gueiteiros de la familha Fernandes de que faç parte Henrique. A las 18h ua houmenage al maior tamborileiro de toda la Tierra de Miranda, l tiu Bregílio Cristal.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
