Ampeçou onte l 9º.Festibal Antrecéltico de Sendin i cumo ne ls anhos anteriores ye un sucesso. La ourganizaçon stá bien i la giente acorriu de toda la parte, sendo de referir que habie muito spanhol, onte a la nuite.
Abertura de la sposiçon de pintura
Ua mostra de quadros, l de l meio ye mesmo anteressante
Guapa an çcanso
A la tarde houbo la abertura de la sposiçon de F. Quina, un artista casado an Fuonte Aldé i que ye ua referência na pintura. Ye nuosso besino i Sendin ye un centro de cultura que nun squece ls sou termo i alredores.
Peisaige birtual
Tentaçon de l eirmita i suonho malo
La presentaion fui feita por l persidente de la Junta i de l Bereador de la Cultura, de la Câmara. L pintor falou de ls quadros i ls retratos que bos mostro ye de ls mais segneficatibos i por esso pongo l nome de l que el dixo que repersentában.
A la nuite fui la atuaçon de ls grupos: LUAR NA LUBRE (Galízia), SKANDA (Sturias) i GINGA (Pertual).
La atuaçon de ls grupos
La atuaçon de ls grupos
Tirei bários retratos, mas a la nuite nun quédan mui bien, mas gustei de l LUAR NA LUBRE i até cumprei un CD.
Ne l recinto hai bebidas i nun fáltan ls licores i las punçones mágicas de ls Celtas.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
