La nuossa zona andustrial bai-se fazendo a –purro i a maço-, porque inda hai sendineses que nun zísten. Hoije abriu la central de la fachas , que cumo ides a ber por ls retratos, ye un sitio onde se puode ir a cumprar de todo l que faç falta para la cunstruçon ou para la bricolage.
La antrada
L sitio de l stacionamento
An drento ye ua berdadeira superfíce comercial i nada queda a deber a las que tengo besitado ne l Porto ou Lisboua i que bénden essas cousas. Al ber ls retratos podeis mirar bien que ye berdade l que bos digo.
Sitio de amostras i de ferramientas
Artimanhos de trabalho
Muitas outras atibidades hai an Sendin i ye ua pena que inda haba quien nun querga ber la realidade. Inda onte an Miranda me dezie un tiu:
- Ye berdade l que scribe, porque hai muita giente que fala ne porsor Almendra i acában por dezir, agaba Sendin de mais, mas la berdade ye que se percisamos de ancuntrar ferramientas ou artimanhos speciales, ye ir a Sendin, que alhá ancontra-se todo.
Todo para pintar
Tamien l HOIJE fala de todo i ne ls meses atrasados, hai muita cousa para ler, de amboras, de stória, de cultura, de la léngua. Ide al més de Júlio para ber las últimas nuobas.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
