Cumo bos habie dito, bou hoije a mostrar-bos ls retratos de l fogo de bista que deitórun onte a la nuite, ne l fin de l arreial. Fui un grande spetáclo i nun fui fácele tirar ls retratos, mas outelizei ua tequenica special i cunsegui tirar retratos que bos ban a gustar.
Ua fuonte luminosa
Ua palmeira
Ua obra d’arte
Ls nomes que l pongo ye l que a mi me parece, mas bós podeis ber outras cousas. You iba tirando i tirei mais de 70 i apuis scolhi ls que a mi me parecírun ls melhores. I podeis acraditar que ne ls retratos tamien ye bonito l fogo.
L sponer de l Sol
Ua árbole
Ua marabilha
Quando botórun l fogo, todo mundo quedou calhado a mirar para l cielo, solo se oubie l stralhar de las bombas i l silbar de la salida de l fogo de ls canhos, que mais parecien ls lança morteiros de la tropa.
Un paixaro special
Un bando de paixarinas
Ua pintura moderna
Stou mesmo a oubir uns a dezir que parece outra cousa i outros a dezir que si ye berdade, mas seia ua cousa ou outra, que son sfregantes lindos de l fogo, son. Agora dezi que nun tengo hablidade!...
Que será esto? Nabes spaciales?
Esto ye mesmo fogo de bista i lindo
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
