Cumo nesse die nun daba para ir a la binha i ne ls dous dies a seguir, un anda meiboubo de la cabeça, solo fui hoije a ber se habie ubas para anchir l lenço. I l dito staba cierto:
Ne l die de San Lourenço bai a la binha i inche l lenço.
D’atrás fazie-se un nuolo an cada punta de l lenço i quedaba a modos que ua gorra, que tanto daba para poner na cabeça, para nun apanhar Sol, cumo para traer qualquiera cousa.
Las ubas
Cumo agora yá hai ubas de comer i que amadúran cedo, lebei un baldo i anchi-lo.
Ne l die de San Lourenço, quando you era pequeinho yá íban a bender arbilhos a la feira d’anho de Bomioso, que ye die de San Lourenço, mas la bida demudou muito.
L sorteio de l carro
Cumo houbo quien me preguntou a quien saliu l carro, mostro-bos l retrato de l sorteio i para todos berdes cumo fui feito. Fui feito ne l die de la fiesta, a la tarde i cun l comandante de la GNR a assistir. L carro saliu a un tiu de Augas BIbas.
Ls prémios fúrun tirados por ninos i ninas
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
