Cumo ben sendo uso, todos ls anhos la Associaçon Cultural de Atanor faç un cumbibio cun ls sous sócios i faç-lo neste die, para ajuntar ls eimigrantes que bénen a passar las bacanças i tamien porque yá hai caçadores que bénen a las rolas.
Ls cozinheiros
L cumbíbio
Puode parecer stranho a algua giente, falar deste cumbíbio, mas la Associaçon ten muitos sócios de Sendin i mesmo alguns sendineses fázen parte de la direçon. Para ls que inda amalúcan a dezir que las outras tierras nun gústan de Sendin, porque a eilhes naide ls quier, que míren para ls retratos i para la realidade.
Ua mesa cun sendineses
Outra cousa que se puode ber ye la quantidade de giente que stá ne l cumbíbio, tamien ls que pássan l tiempo a dezir que nun hai giente, que yá nun bénen ls eimigrantes, que todo stá mal, que míren bien para eilhes a ber se l porblema nun será deilhes mesmos. Sali de casa i ide a cumbibir cun la giente.
Outra mesa
You nun ambentei esta giente toda, nin fui por ende a ajuntar-la para parecéren muitos. Esta ye ua realidade que tenemos que ber. Hai porblemas, mas nun podemos andar siempre a botar todo abaixo. Manhana ides ber mais outra realidade que bos bai a mostrar que stamos bibos i cun salude.
Inda outra mesa
L HOIJE stubo alhá porque las nuobas son de Sendin i alredores, mas somos chamados para la maiorie de las tierras de l cunceilho, ye pena nun podermos ir a todos ls lados.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
