Apuis de uns anhos de deficuldades la Corporatiba fui aguantando i cun l sfuorço de la direçon i de l pessoal que alhá trabalha cunseguiu melhorar ls binos i la sue salude financeira i ampeçou a dar ua nuoba sprança a todos ls que trátan de las binhas. La culidade de ls binos ye yá recoincida por todo l lado.
L parque de l ruta biduero
Mas la politica de l arranque de la binha bino a traer nuobos porblemas i yá aparecírun ls abutres, non ls de las arribas, mas ls de dues patas i que quieren l mal de Sendin, a propagandear que la Corporatiba bai a acabar. Mas ye la Corporatiba que stá a ajudar ls agricultores a resolber ls porblemas para que ls que quejíren arrancar las binhas l fágan.
L nuosso sitio ne l pabilhon
La Corporatiba cuntinua i cada beç bai fazendo mais por ls nuossos binos i por esso stá na Spanha a sponer i a bender l bino. Mas nun anda a scunder de ls agricultores las reglas para ls que quérgan arrancar las binhas, ajuda-los, porque sabe que hai giente que ten que las arrancar porque yá nun puode trabalhar ou porque ten las binhas bielhas.
L persidente staba alhá a dar a porbar ls binos
Ua de las moças que stá a tomar cunta
La Corporatiba faç l sou trabalho i ajuda ls sous sócios i se nun fusse la Corporatiba, muitos nin sabíen de l arranque nin naide ls ajudaba a resolber ls muitos porblemas que hai. Mas la Corporatiba bai a fazer l melhor, mas de modo que seia eigual para todos.
L respunsable por la nuossa region stá atento a l que ls sócios percisáren.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
