Hai muitos modos de passar las bacanças i la Associaçon Palombar fizo un campo de bacanças para moços i moças de bários países. Stubírun ne l Praino para passar las bacanças, mas al mesmo tiempo trabalhában na recuperaçon de ls palumbares.
Un palumbar a caer
Ls moços i moças que gústan de ajudar a perserbar l património, ban muitas bezes para campos de bacanças cumo este de la Associaçon Palombar, porque gástan menos denheiro, cumbíben cun moços i moças de outros países i inda trabálhan.
A trabalháren nun palumbar
You falei cun alguns desses moços i moças i gustórun muito de benir al Praino. Todos ls fins de somana habie fiestas de que gustórun muito i tamien alguns stubírun ne l Antercéltico, mas todos ls dies trabalhában i recuperórun un palumbar an Bila Seco.
Un palumbar amanhado
Tenemos que pensar an fazer mais campos destes para fazer outros trabalhos que fázen falta.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
