Nas grandes cidades hai uas panadaries mais pequeinhas a que cháman PÃO QUENTE , PAN CALIENTE an Sendinés. Essas pequeinhas panadaries fázen bolhos i pan a toda la hora i ye por esso que le cháman pan caliente , porque stá mesmo acabadico de salir de l forno i inda stá caliente.
Mini Pocas
Sendin ten ua cousa dessas i pul nome ye fácele saber que fui Poca que le fizo. Queda na rue de Camino Prado i era ua cousa que fazie muita falta. La giente yá se bai habituando a ir comer un bolho ou ua frita i a desaiunar-se ou a merendar cumo se faç nas grandes cidades. Sendin bai tenendo de todo,
La sala de tomar l café
Ye buono que las pessonas que stan fuora sában que yá ténen un sitio agradáble para se desaiunar i ler l jornal. Para ls que gústan de comer l pan acabadico de fazer, tamien yá ténen onde l ancuntrar. Se hai ua necidade yá se puoden ancuntrar pasteles i bolhos todos ls dies. Somos Bila, mas porque tenemos dreito a ser.
L sitio onde se faç l pan
Quaije todos ls dies bou alhá i puodo dezir-bos que stá todo cumo debe de ser. Agora hai que outilizar l que tenemos i Sendin será cada beç melhor. Quando un sendinés stá melhor, todos ganhamos, porque ye la nuossa tierra que stá melhor tamien.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
