La atibidade comercial stá an grande deficuldade, porque Pertual stá passando por ua crise mui grande, mas Sendin bai tentando rejistir i fui modernizando l sou comércio, que yá se puode acumparar al de las melhores tierras comerciales.
Un café cerca de la Caixa Agricola
La Caixa Agricola
Por bezes puode parecer que todo esto ye apenas ua mirage, mas nun ye, porque mesmo cun deficuldades, ban serbindo ls sendineses que trabálhan i que yá son muitos i que ténen amprego mais ou menos cierto. Nun se puode dezir que eiqui hai desampregados, porque son muitos ls eimigrantes que trabálhan an Sendin.
Ua agencia de seguros
Mesmo a la nuite yá hai muitas casas eiluminadas i cun ls nomes cun luzes a las quelores, para dar un ser mais lindo a las rues. Yá se puode ir a ber las montras a la nuite.
Ua botique
Hoije fui ua nuite agradáble de Agosto i staba-se bien a passear por las rues de Sendin. Custou-me a chegar a casa, porque ancuntrei muita giente sentada a las puortas, ne ls poiales a belar. Todos querien falar de l HOIJE i de ls familhiares que ténen pul mundo i que todos ls dies spéran por l que bou a poner.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
