La fiesta de Palaçuolo de l fin de l més de Agosto,ye de las mais populares i mais partecipadas por ls moços i moças que gústan de beilar al toque de la gaita de foles que anima la fiesta quaije todo l die. La fiesta ampeça cun la feira onde nun fáltan las barracas de todo i l artesanato de la region.
La feira animada por ls gueiteiros
A la hora de l almuorço nun falta la chicha i l frango asado regados cun la pinga a la moda de casa, que ye cumo quien diç tirada de l pipo que se fizo para bober durante l anho. Tamien ye cierto que quien nun l fizo, bebe de l de la Copratiba de Sendin que tamien ye buono.
La giente era bastante i de las aldés alredor
Tamien ténen l cunjunto musical para la nuite, mas l melhor ye al fin de la feira, la corrida de burros anfeitados i l baile de modas tradicionales. Neste die todos dan ua beiladela, mesmo na dança de lspalos, porque hai muita giente que sabe dançar. Ls fatos nun son percisos, yá que ye un adbertimento giral.
Todo mundo beila
You nun me astrebi anque tubisse sido bien desafiado, cuntentei-me an bober un copo porque tenie que partecipar i un copo nua fiesta destas nun se puode negar.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
