L Grupo Çportibo de Sendin yá ampeçou a treinar para l campeonato de l Ctrital de Bergancia, mais ua beç la nuossa tierra stá antre las melhores de l çtrito i por l que se puode ber ne l treino d’hoije, onde aparecírun ls jogadores para este anho, todo parece ir a correr bien.
Ls jogadores a recebir las purmeiras anstruçones
Fui agradáble de ber que la maiorie de ls jogadores son de l nuosso cunceilho i muitos de Sendin. Tamien ls hai de las aldés alredor de Sendin, cumo Atanor, Palaçuolo, Augas Bibas, Bilar Seco i Ruolos. Solo falta que la giente apoie la eiquipa.
Ua parte de l treino
Yá habie bastante giente a ber, cumo se puode ber por ls carros
Un de ls melhores jogadores de Sendin, Alexandre i que ne l ultimo anho stubo ne l Mogadouro, staba alhá a treinar l que ye ua buona nuoba. Ye siempre amportante tener ls nuossos jogadores a jogar por la nuossa eiquipa. Sendin, cun ls torneios de rues i de maltas, cunsigue tener yá muitos jogadores.
Yá fui un teino a sério
Parece haber ourganizaçon i todo staba pronto, mesmo l campo staba bien porparado. La câmara stá cun l Grupo Çportibo i sendo assi, todo ye mais fácele.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
