Quando andamos por ende, nin mos damos cunta de tanta cousa que faç ademirar a muita giente i que poderiemos aporbeitar para deilhas tirarmos ansinamentos ou até eideias, para la nuossa bida i para dinamizar l turismo.
Ua figueira ne l campanairo de la eigreija
Ua cousa que se bei an muito lado, mas que mos mostra l que puoden fazer ls paixaros cun las semientes. Ua forma de cuntinar la bida de ua planta. Podemos aporbeitar esso para dar ua leçon als alunos ou para mostrar cumo curgidade turística.
Un cipreste?
Nun ye linda esta árbole?
Na bila ponemos las árboles que yá temos pul termo, mas nun será ne l sou local próprio que las debemos perserbar i por las rues poner outras, para que la giente que nun las conhece, las puoda ber?
Un azebinho
Esta ye ua árbole an bias de zaparecer i ne l nuosso termo poderie haber muitas. You yá plantei alguas i esta stá ne l miu huorto. Yá ye ua cousa pimpona.
Todos ls que podirdes, fazei por poner ua árbole.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
