Ye ua oubrigaçon de l HOIJE deixar scrito i an retratos, l que Sendin ye hoije, para que mais tarde, ls que béngan a fazer un trabalho subre l nuosso tiempo, ancóntren las probas. Quantas bezes, para falarmos de ciertas cousas, mos bemos atados i sien saber a que botar mano, para podermos dezir seia l que seia?
Tenemos ua agencia bancária
Quien sabe onde era la purmeira eigreija de Sendin?
Un die destes bamos a saber-lo i talbeç até a saber cumo serie, mas muitos ban a tener que porcurar i a ler bien muitos scritos, mas ténen que tener tiempo i arte para ls ler. Apuis de publicado l sitio onde stá, pouco custará falar de la eigreija.
Tamien tenemos un promotor bancário
Sendin bai-se modernizando i inda bai habendo ls que apóstan na sue tierra i ban ambestindo neilha l sou saber i l sou denheiro. Tenemos la oubrigaçon de ls apoiar i de ls dar a conhecer. L HOIE bai-lo fazendo drento de l que ye possíble.
Tamien tenemos botiques cun gusto
Quando ampecei a falar de ls purmeiros, quedou la oubrigaçon de falar an todos i cumo l pormetido ye debido, eiqui quédan mais trés casas comerciales. La última ye ne l Baiunco.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
