Nun die destes la melhor ambora ye la de ls anhos, porque fazer anhos, nun ye solo cumo muitos dízen, que ye quedar mais bielho i que la muorte stá mais acerca. No, fazer anhos ye ua proba de que bibimos mais un anho i que inda tenemos mais algun tiempo para bibir. Por esso se dében cantar ls parabienes.
Parabienes
Estes parabienes nun son solo para l HOIJE , mas para todos ls que durante un anho, fustes tenendo pacência para ler l que se screbiemos ne l HOIJE . Fúrun muitas las mensages que recebimos i muitos mais gustarien de las haber mandado, mas nun tubírun tiempo ou nun benírun a ber l HOIJE , neste die.
Para todos
Agora bamos a fazer la fiesta i que cada un an sue casa, beba ua bebida i coma un cachico de bolho, cumo se stubíssemos todos juntos. I l camino de l HOIJE cuntina i cumo diz l cartaç que pongo a seguir, nada bai a custar se cuntinar a cuntar cun bós.
Cunto cun bós
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
