La tertúlia que besitou Sendin tubo que ir a Bila Chana a ber la recuperaçon de ua casa rural de un de ls ourganizadores de la besita i aporbeitemos para l mostrar l riu de l miradouro de Picuote i al mesmo tiempo, mostrar l que se stá a fazer para l zambolbimiento rural de ua tierra alredor de Sendin.
La chegada al núcleo rural de Picuote
Ne l camino para la fraga de l Puio que queda junto a la Associaçon de Picuote; que ye, cun la Câmara, la Corane, particulares i cun apoio de la UE, quien stá a eisecutar l porjeto; fumos bendo las obras que stan a quedar bien. L ampreiteiro, ye Chico Mateus, de Sendin.
Ls besitantes por las rues de Picuote
La sede de la Associaçon
Estes porjetos solo son possibles quando las Associaçones fázen algua cousa para ls cunseguir. La nuossa Associaçon – Miraiq’alforjas – tamien metiu un porjeto quando l de Picuote, que ye l arranjo de las eiras i de que you yá bos falei. Outros porjetos stan yá perbistos para outras obras i por outras antidades i associaçones de Sendin.
L grupo staba cuntento
L HOIJE, lougo que tenga nuobas subre ls porjetos i outras atibidades ou obras amportantes para Sendin i alredores, alhá bos irá dando las amboras.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
