Cun un nuobo campo relbado i apostando todo para subir a la 3ª. Debison, l Grupo de futebol de Figueira de Castelo Rodrigo, cumbidou l Grupo Çortibo de Sendin, para ir a jogar alhá neste fin de semana. Las buonas relaçones de ls dirigentes i treinador fúrun eicenciales.
Un momento de l jogo
La eiquipa de Figueira de Castelo Rodrigo tem stado mais bezes que la nuossa, na 3ª. debison i la sue spriencia fui amportante para l resultado de l jogo, mas l Sendin dou buona cunta de l recado i solo acabarie por perder porque la arbitrage fui algo caseira. Nestes jogos l mais amportante ye treináren, mas cumo l arbitro ye de casa, siempre hai un pouco de fabor, mesmo sien querer.
L Sendin quando cuntrolaba l jogo
Túbírun mesmo que armar ua çancadielha
La melhor porparacon i spriencia de ls jogadores de Figueira de Castelo Rodrigo, bino po riba na segunda parte de l jogo i solo anton eiquelibrórun l jogo. Mas l Sendin mostrou que ten eiquipa para jogar an qualquiera lado.
L Figueira al ataque
Hoije ampeça l Outonho i parece que ben molhado. Nun ye mui buono quando la chuba ben por l San Mateus que ye die 21.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
