Sendin ultimamente ten sido falado an bários jornales i por rezones bárias. Cumo sei que muita giente nun puode ler esses jornales, lembrei-me de bos mostrar hoije un cachico de l que se ten falado nestes dies.
Esta nuoba saliu nesses dous jornales
Falórun de la nuossa Copratiba i de ls nuossos binos. Mas tamien falórun na léngua mirandesa i nua cousa que ls sendineses dében gustar de saber i de que todos mos podemos ourgulhar. Ls Lusiadas acabórun de ser traduzidos para mirandês i por un sendinés – Amadeu Ferreira.
155
Pa bos serbir, l braço a armas feito,
Pa bos cantar, cabeça a Musas dada;
Só falta que m’acéitedes bós dreito,
De quien bertude debe ser preziada.
Se esto l Cielo me dá, i l buosso peito
Dina ampresa agarrar de ser cantada,
Cumo yá l miu juízo l adebina
Mirando buossa anclinaçon debina,
156
Ou fazendo que, mais q’a la Medusa,
La bista buossa tema l monte Atlante,
Ou rumpendo ne ls campos de Ampelusa
Ls muros de Marrocos i Trudante,
La mie yá tan stimada i alegre Musa
Quedo que an todo l mundo de bós cante,
De modo que Lixandre an bós se beia,
Sien que ambejado l grande Aquiles seia.
Traduçon de Fracisco Niebro
Tamien l G.D.Sendin fui falado i por mais que un lornal, para ls que stan fuora de Sendin, l HOIJE manda-bos estas amboras que cuido que bos ban a deixar cuntentos. Tamien gustarie de que ls que stan fuora me mandássen muobas de las tierras onde stan para las poner eiqui.
SECÇÃO: Nordeste Desportivo
Sendim 5 Pinilla 1 - Carção 2 Pinilla 1 - Sendim 1 Carção 1
“Copa” ficou em casa
O objectivo do Sendim foi traçado pelo presidente André Almendra. “O orçamento de 27 mil euros está definido há muito tempo e ficar entre os seis primeiros é o grande objectivo. É assim que vamos encarar a época”, esclareceu o responsável.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
