Ten stado a ser remodelado l Centro de Salude de Sendin i bai a tener, para alhá de dous doutores a dar cunsultas, cumo médicos de familhia, dues anfermeiras, cunsultas de stomatologie (dentista), cunsultas de apoio social, cuidados de anfermagem i apoio a ninos i preinhas.
La antrada de l Centro de Salude
L Centro de Salude ten ua receçon cun dues ampregadas que trátan de todos ls papeles, cartones i marcaçones de cunsultas asi cumo de las fixas de ls doentes, para que todo steia an orde i la giente seia atendida cumo debe de ser.
La receçon
A atender dues pessonas
La cordenadora de l Centro ye la doutora Bergina Preto, que ye sendinesa i que ye tamien la cordenadora de l Centro de Salude de Miranda do Douro.
Quando las obras stubíren acabadas l HOIJE bos mostrará todas las anstalaçones de l Centro.
La sala de spera
Cumo podeis ber, Sendin nun para de melhorar an todos ls sentidos. Hoije tube ua buona nuoba i que pouca giente acreditará, mas ye de las poucas tierras an que la giente que bibe ne l die a die neilha, stá a aumentar. Estes dados son de l HOIJE que ls puode cunfirmar.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
