Se yá uns dies andába giente a bendimar ou era pal pipo ou para bender para fuora. La Copratiba solo hoije ampeçou a recebir ubas. Este anho nun ye un anho de muitas ubas, mas son de buona culidade. L HOIJE fui a ber l purmeiro die de la antrada de ubas na Copratiba i tirou alguns retratos.
L purmeiro trator a antrar
Apuis de las purmeiras chubas pensaba-se que las ubas íban a dar pouco grado i que starien inda berdes. La área de la Copratiba ye mui grande i hai muita çfrencia antre las bárias zonas. Por esso la bendima nun ye para todos ne ls mesmos dies. Las que antrórun hoije yá dában ua média de 12 grados.
L purmeiro cuntentor de ubas brancas
Ls sócios yá ban quedando mais ourganizados i yá ban fazendo la bendima cun mais cuidado i las ubas que antrórun stában an buonas cundiçones. Ne l purmeiro die yá antrórun acerca de 200 000 kgs.
L purmeiro cuntentor de tintas
Quando muitos yá pensában que nun habie giente para trabalhar, podemos dezir que aparecírun mais trabalhadores que ls que fazien falta. Quanto a las ubas inda nun ban a ser tan poucas cumo al percípio se pensaba.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
