2º.TORNEIO DE FUTEBOL
Apuis de la bitória na COPA, torneio anternacional de futebol que se realizou an Sendin i que tubo cumo finalistas, las eiquipas de Sendin i Carçon, todo mundo speraba por l resultado de l torneio de einicio, que se iba a realizar an Carçon.
L jogo fui jogado cun gana
I todo mundo speraba por l resultado deste torneio, purmeiro porque partecipában quatro eiquipas i era jogado Sábado i Demingo, segundo porque la final de la COPA nun cumbenciu la eiquipa de Carçon, que se queixaba de las reglas i que nun merecie tener perdido.
L Carçon todo fizo para ganhar
Mas l Sendin nun se quedou atrás
Ne ls jogos de Sábado l Sendin i l Carçon ganhórun i ne l Demingo fui la final mais sperada. LCarçon que jogaba an casa, querie la desforra de la COPA i l Sendin querie mostrar que era melhor i que mesmo an Carçon, tenie eiquipa para ganhar l jogo.
L Sendin acabou por ser mais fuorte
Al princípio l Carçon inda se cumbenciu que poderie ganhar l jogo, mas als poucos l Sendin acabou por mostrar que era melhor i ganhou l jogo por 2-0 i assi cunquistou la segunda taça antes de ampeçar l campeonato. Que agora, ne l purmeiro jogo contra l Mogadouro, faga un bun jogo.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
