L HOIJE para alhá de ser un pequeinho jornal, anque haba quien pense que nó, ye tamien un çcuadrinhador de todo l que hai por ende. Para dar las nuobas ten que ser cun giente que seia de ls de andar a pie i por todo l lado. Mas ten que se tener tamien gusto i saber, para poder ber bien las cousas.
La baranda de l Sagrado
La data
Nun digo esto por ser you a poner las nuobas de l Hoije, mas porque ye assi para todos ls que fázen las nuobas ou tíran ls retratos. I para tirar retratos tamien ten que se saber ber. Nun ye ua cousa de ricos ou de quien nun ten nada que fazer. Anton todos ls que trabálhan ne ls jornales i nas telebisones son malandros?
La baranda de la casa de Tiu Chico Fermino
La data
Çcuadrinhando por ende tengo bisto i retratado muita cousa, para que quede registrado i para que muita giente saba l que tenemos i podiemos perserbar. Para tener gusto por l nuosso património i la nuossa stória. Para muitos lembráren la bida que yá passou i la giente que coinciu i yá nun stá antre nós.
La casa de ti Arminda Pina
La
data
Hoije l tema son las barandas i la data an que fúrun feitas. Nun las bou a poner todas hoije, mas las que me parece que son mais anteressantes. I tamien para lembrar ls duonhos que muitos de bós inda conhecistes.
La casa de Zeca Meirinhos
La data
La purmeira para lembrar todos ls que ne ls Demingos se poníen debaixo a falar ou a ber las fiestas i perciones. L soto de tiu Santiago. La segunda l curral de tiu marreta i tiu Belmiro. La casa de tiu Chico Fermino. La terceira la casa de Arminda Pina que ajudou a nacer tanto sendinés i cumpuso tanto pie i tanta mano. L soto de tiu Chico molineiro, La quarta la casa de dona Mestra, que fui porsora. L soto de senhor Meirinhos…cuntina manhana…
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
