Quando onte falei de las barandas, lougo chegórun al HOIJE bárias anformaçones i pedidos para poner mais cousas. Quando stamos a pensar que yá fui todo dito i scrito, solo stamos a mostrar la nuossa eignorancia ou l nuosso eigoismo cuidando que para alhá de nós nun hai mais nada.
La baranda de ti Xoupai
Nun ye la data, mas ls purmeiros númaros de las puortas
Muitas bezes quíeren fazer de mi l que nun sou i squécen que a muitos de ls que fálan, ajudei a fazer ls mestrados i até doutoramientos. Muitos libros i trabalhos tubírun la mie ajuda. Se fago l HOIJE ye para ls sendineses, que galardones i libros nun son l amportante para mi.
La baranda de la casa de l padre
La data
Se l miu anteresse fusse la politica ou ls libros, era persidente de qualquiera partido local i tengo material para pul menos 50 libros. Solo de l HOIJE se fazien alguns. Mas stamos a falar de barandas i sei que muita giente gustou i quier saber mais. La de ti Xoupai (la familhia que me sculpe, mas era assi que todo mundo la conhecie) ye la purmeira d’hoije.
La baranda de la casa de senhor Zé Maria
La data
Quien nun se lembra de ti Xoupai a bender sardinas i de ls queixones de sardinas que beníen ne l camboio? L númaro de la puorta inda ye l purmeiro, que hai 30 anhos la Junta de Freguesie puso, quando Sendin ampeçou a tener nomes i númaros ouficiales. La segunda lembra-mos l Padre Antonho i l Padre Chico.
La baranda de la Tenerie
La data
La terceira ye de la casa de senhor Zé Maria i fui alhi que houbo la purmeira fábrica de rolhas. La quarta ye na Tenerie, hotel rural i restourante, mas la casa fui recuperada de ua mais antiga, onde houbo ua casa de artesanato cun seis teares tradicionales i onde trabalhában siete mulheres.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
