Ten sido un porblema para la giente, la diretiba de la EU, para pagar por arrancar las binhas. Las leis fázen-las ls políticos i muitas bezes nun se atende als casos cuncretos de la bida. Nun hai dúbidas que algua cousa habie que fazer, mas muitas fúrun las deficuldades para meter ls papeles i muitas mais ban a ser para fazer l trabalho de l arranque.
Estas binhas para l anho yá deixarán de eisistir
La falta de giente para fazer l trabalho, l précio baixo de las ubas i la eidade de muitos agricultores, fizo aderir muita giente. You sei que custa arrancar l que tanto custou a poner, mas la necidade oubriga. Esta ye ua realidade i nun se puode lutar contra molinos de aire.
Esta nun se bai a arrancar
Haberie muitas soluçones para resolber l porblema que la UE ten, mas stá decidido i hai que jogar cun las cartas que mos dan. Mas para alhá de l arranque tamien hai las ajudas para cumponer ou mudar las binhas, cada un ten la liberdade de fazer cumo achar melhor.
Esta ye ua binha yá nuoba
Para l anho yá poderemos ber melhor l resultado. Mas por anquanto l porblema ye cun las binhas i ye esse que cada un ten que resolber. L porblema de las arribas, de ls terrenos i até de la Copratiba, ban a ser outros. Bamos sperando i bendo, quando se faç ua cousa debe-se pensar ne ls resultados, ls anteressados deberán saber.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
