L campeonato çtrital de futebol, ampeçou mal para l G.D.Sendin, que lougo ne l purmeiro jogo an casa recebiu la eiquipa que este anho quier ganhar l çtrital i acabou perdendo l jogo por 5-2. L jogo fui acontra l Mogadouro que ten mais de l dobro de l denheiro de l G.D. de Sendin, para fazer l campeonato.
L Sendin al ataque
L resultado nun diç l que fui l jogo porque l Sendin nun fui anferior al Mogadouro, mas l Sendin tubo un die de pouca suorte i un guarda-redes an tarde de desacerto i que, cumo se questuma dezir, deixou meter dous frangos.
L jogo fui mui fraco
L guarda.redes de l Sendin fuora de la balisa i 2º. golo
Por haber ampeçado mal, nada mos puode lebar a pensar que la nuossa eiquipa nun bai a fazer un buono campeonato. Tenemos ua eiquipa inda nuoba i hai que tener pacência ne ls purmeiros jogos i ajudar ls jogadores mais nuobos para que todo cuorra bien. L guarda-redes solo ten 17 anhos.
La maior parte de l jogo fui eiquelibrado
Este anho bamos a tener jogos todos ls Demingos, porque l Mirandés bai a jogar ne l nuosso campo, pul menos até l final de l anho, porque la Câmara bai a andar cun obras ne l campo municipal.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
