Quando uns poucos ateiman an debedir ls sendineses, la maiorie faç obras i quando hai giente que pon l antresse de las sues tierras antes de ls partidos, todo ye fácele. Neste protocolo stubírun las Juntas de Sendin i Picuote que son de l PS, la Câmara i la Junta de Freguesie de Atanor que son PSD i dues Associaçones culturales, Mirai Q’alforjas de Sendin i La Fráuga de Picuote.
Ls repersentantes de las antidades
Cumo podeis ber ne l retrato stá l persidente de la Câmara, ang. Rodrigo, al lado dreito del, l persidente de la Junta de Picuote, José Preto, i al lado squierdo, l persidente de la Junta de Sendin, Norberto Marcos, l repersentante de la Junta de Atenor, Carlos Quitério, l persidente de la Associaçon Mirai q’alforjas, Telmo Ramos i l persidente de la Fráuga, Jorge Lourenço.
Telmo Ramos a assinar l protocolo
Apuis de assinados ls protocolos de bárias obras, cumo la de la “Casa de ls Ouficios”, na casa bielha, de la Junta de Sendin, La obra de” L arranjo de l Largo de las Eiras”, de la associaçon Mirai Q’alforjas, “Arranjo de la ambuolbente de l ribeiro”, de la Junta de Picuote,” L parque de Merendas de Atanor i “La Zona de lazer ne l poço de ls molino de la cabanha”, an Teixeira, de la Junta de Atanor i la “Casa de l sierro para Centro de anterprataçon de l Eco-museu”, de la Fráuga, fizo-se ua besita a las obras.
Ls que acumpanhórun la besita a las obras
Ls jornalistas tamien fúrun ber las obras
L númaro de porjetos ye de catorze, para las bárias obras que se ban a fazer i que ban a custar 525 223,00 Euros. Deste total l que bai a pertenecer a Sendin ye de 247 720,00 Euros.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
