Zde l tiempo an que l camboio solo chegaba a Carbiçais i iban alhi a buscar las caixas de sardinas i zde l tiempo an que se bendie l polbo curado, que benie an cestos, Sendin fui un centro de çtribuiçon i benda de peixe para todas las aldés. Inda hoije ye assi.
L carro de Cisnando
Hoije la çtribuiçon yá se faç an carros própios i cun todas las cundiçones, Cisnando ye un de ls que bende por las rues i pobos alredor de Sendin. Tamien ten ua casa comercial, na rue de la Fráuga onde bende peixe i fruta. Para las pessonas ye ua cousa buona porque puoden cumprar a la puorta.
Tânia tamien bende peixe
Mirai cumo stá fresco i bien acunchegado
Tânia tamien bende peixe por las rues i l HOIJE fui a ber, para tirar l retrato i mostrar que se puode cumprar peixe fresco i mesmo cungelado cumo an qualquiera cidade.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
