Por la purmeira beç, ne ls Grazes, fizo-se ua gincana de tratores. Fui ua tarde bien passada i que serbiu para ls tratoristas mostráren las sues habelidades i ls bendedores de tratores mostráren las sues maquinas para ls anteressados podéren cumprar. Para la gincana punírun dous tratores i apuis éran sorteados para ls cuncorrentes outelizar.
A fazer las anscriçones
Un Kubota
Un Valtra
Anscrebírun-se bários tratoristas que tenien que fazer bárias probas cun ls tratpres. Purmeiro tenien que cuntornar bárias bandeirolas, apuis fazer un percurso cun bárias curbas, andar por un camino al para trás i por fin meter l trator nua garage. Habie penalizaçones i ganhaba l que fazisse todo an menos tiempo i cun menos faltas.
La proba de las bandeirolas
Marcha atrás
A meter l trator na garage
Habie muita giente a ber i cumo la tarde staba de Sol fui un spetáclo bien bonito. Son einiciatibas destas que ban fazendo cun que Sendin Seia oincido cada beç mais i por buonas rezones. Quanto a dezir que yá nun hai giente, ye ber ls retratos.
La giente a ber
A la nuite houbo un spetáclo cun cantores I de gracia para toda la giente.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
