L Talhas tenie ganho todos ls jogos, mas l Sendin neste Demingo fui alhá a ampatar i merecie ganhar, yá que fui la melhor eiquipa i solo nun ganhou porque l árbito fizo ua fraca arbitrage. Yá nun ye la purmeira beç que l Sendin ye perjudicado, mas tamien le irá a tocar ser beneficiado. Ye normal haber anganhos i nun acreditamos que seian siempre acontra l Sendin.
L Sendin parecie tener mais jogadores mais
Querendo mostrar que ls resultados de ls purmeiros jogos nun éran ls que l Sendin merecie, quijo ganhar ne l campo de un de ls fabritos i fui l purmeiro a marcar, stando a ganhar la maior parte de l jogo. Puode mesmo dezir-se que na purmeira parte solo eisistiu l Sendin.
I jogou cun ganas
I sien miedo
Na segunda parte, l Talhas abusou de la sue fuorça física, yá que son jogadores mais bielhos i cun la ajuda de l árbito, que marcou un penalte, sien se saber cumo alhá fui eiquelibrando l jogo. Mas cumo l guarda-redes de l Sendin defendiu l penalte, mandou-lo para la rue. Tenie sido un outro jogador de l Sendin que dixo que de nada adelantrou marcar la falta, mas era l guarda-redes que tenie que Salir.
L Talhas sien soluçones
Cun un jogador a menos i sien guarda-redes, yá que l suplente nun tenie ido al jogo, porque era de Sendin i tenie que star a bender cousas ne ls Grazes, l Sendin defendie bien l resultado i solo nun canto l Talhas acabou por ampatar.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
