Hoije ne l salon de ls bumbeiros houbo ua reunion para sclarecer las pessonas subre l porgrama de l melhoramiento de las binhas. Benírun ls respunsábles subre la agricultura, na nuossa region i l angenheiro Mota fizo tan bien l sclarecimento que ne l fin las pessonas batírun palmas i todo.
L angenheiro Mota a falar
Esta reunion bino mostrar que nin toda la giente quier arrancar las binhas, porque inda hai ls que quieren melhorar i poner binhas nuobas. Yá se sabe que nun ban a ser aprobados todos ls pedidos de arranque i muitos yá zistírun de l fazer.
La giente que habie
Fúrun scutidos ls bários porblemas i chegou-se a la cuncluson que la maiorie de ls que arrancában las binhas, nun l querien fazer, mas las malas cundiçones de alguas binhas, la falta de quien trabalhe i l denheiro que dán para las arrancar, ye que ls lebórun a querer arrancá-las.
Las pessonas stában anteressadas
Se durante ls anhos 90 se ten apostado ne l melhoramento de las binhas i nua melhor aposta na Copratiba, tenerie sido çfrente, mas agora l que se puode fazer ye remediar l mal. Nun bamos a lamentar ou a sacar respunsabelidades, porque la bida ye mesmo assi. An beç de creticar debemos fazer melhor.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
