Hoije houbo probas de “Corta-Mato”na Abenida de l Ciclo de Sendin, para todos ls alunos zde la scuola anfantil até l nono anho. Fui ua manhana de çporto scolar i de cumbíbio de todos ls alunos de Sendin i alredores. Ne l fin houbo un almuorço para todos. Para ls que nun acredítan na ounion de ls porsores, esta manhana fui ua liçon.
Ls mais pequeinhos
Ls maiores
Las corridas stubírun bien ourganizadas por ls porsores i serbírun para dar prémios als melhores, mas percipalmente para todos ls alunos podéren partecipar i tirar bários ansinamentos subre las reaçones fisicas de ls alunos al sforço, durante las corridas. Quien diç que ls porsores nun quieren trabalhar?
Quando ampeçou habie nubrina
L sitio de la partida
Sendin inda ten muito aluno
Antes de las probas, ls alunos éran pesados i ne l fin eigual i a todos era medida la tensão arterial. L tiempo de las probas era tamien cuntrolado. Muitos ancarregados de eiducaçon stubírun persentes i las anfermeiras de l Centro de Salude, tamien dórun l sou cuntributo para que todo corrisse bien.
Parecie mesmo ua corrida ouficial
La antrega de las medalhas
Muito habie que screbir subre las corridas i l çporto scolar, mas l que eiqui amporta registrar ye l que se bai fazendo todos ls dies nesta linda Bila, tierra de ancantar cumo diç l hino de Sendin.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
