Fui apersentado hoije l porgrama de la REDE EcoCITRAS , an Miranda de l Douro i que ye un porgrama an que seis cidades, Bregancia, Chaves, Balpaços, Mirandela, Miranda i Macedo, ban a trabalhar an rede nuã stratégia de zambolbimiento assente ne l cunceito “eco” para porjetos comuns de 15 000 000 de euros.
La apersentaçon de l porgrama
Estes porjetos tenerán un sentido eicológico i neilhes poderán antrar para alhá de las câmaras, las associaçones i las pessonas anteressadas an ambestir drento de l cunceito de l porgrama. Fui amportante estas cidades ajuntáren-se nesta rede de cidades eicológicas i einobadoras. De Sendin solo stubo persente la Copratiba.
Ls que stubírun a la apersentaçon
L respunsáble por l porgrama ye la Sociadade Pertuesa de Einobaçon, repersentada por l Drº. João Medina que fizo un sclarecimento subre todo. Stubírun persentes tamien la rádio i ls jornales, que recolhírun anformaçones i fazírun ua anterbista a l Persidente de la Câmara i al apersentador de l porgrama.
La anterbista al drº. João Medina
Las seis cidades ban adotar un modelo de zambolbimiento comun, drento de l cunceito eco para la sustentabilidade ambiantal i birado para la agro-andustria, la einergie, l turismo i la cunstruçon. Las einergies renobábles ye algo que bai a merecer la melhor atençon por parte de todos.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
