Sendin:
Carlos, Dinis, Adolfo, David, Ivo, Moises, Cavaleiro, Infesta, Papa, Camané, Dárcio.
Jogórun inda: Manuel, Hugo e Joga Bem.
L roupeiro de l Sendin
L Sendin fui al campo de l Poiares i nuã agradáble tarde de futebol, arrecadou trés perciosos puntos, an mais uã jornada de la AFB.
Poiares – 2
Sendin -- 3
L Sendin ne l meio campo de l Poiares
L Poiares tenie la tarefa defícel
L Sendim antrou muito fuorte, cun buntade de resolber la partida l mais depriessa possíble i pouco passaba de ls dieç minutos de jogo quando marcou l purmeiro golo.
L Sendin passou la purmeira parte ne l campo de l Poiares
L Poiares praticamente nun salie de la sue área i l Sendin nun parou de atacar, acabando pur chegar al anterbalo cun uã justa bantage de dues bolas a zero.Ne l segundo tiempo l Sendin ampeçou mais uã beç a mandar ne l jogo, mas fui l Poiares que reduziu la bantage cun la marcacion de un penalte.
L jogo passou a ser mais eiquelibrado
L Poiares lutaba mais
L jogo ampeçou anton a tener uã maior rapideç i lougo na jogada seguinte l Sendin faz l trés a un i nin dous minutos habien passado i l Poiares reduzie mais uma beç l marcador.
Até al fin l Poiares tentou chegar al ampate, tubo ouportunidades para esso, mas l Sendin conseguiu aguantar i ganhar l jogo.
L Poiares porcuraba l'ampate
L Sendin defendie
Fui uã bitória justa, puis ls besitantes dominórun durante la maiorie de l jogo.
L árbito stubo mal, acabando pur cometer erros que penalizórun dambas las eiquipas.
Uã partida agradáble de seguir, subretodo pula antrega de dambas las eiquipas, cun l Sendin a ganhar justamente pur trés bolas a dues.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
