Las çpesas cun l futebol, cada beç son meiores, son las anscriçones, l seguro, las medicinas, l campo, ls eiquipamentos, la luç, l gaç, ls tresportes, ls arbitos, la guarda i pul menos l comer para ls jogadores. Muitos nun gústan de bola i dízen que quien gusta que pague. Mas i de comes i bebes i de cantias i sposiçones? Quien paga?
Jogo Sendin - Lamas
L Sendin ampeçou bien
Todo faç falta i nas nuossas tierras, la bola inda bai çtraindo la giente, ne ls Demingos por la tarde. Ye un sitio para la giente se ancuntrar i falar, até cun giente de outras tierras. Mas para tener ua eiquipa fuorte, hai que ir a saber de jogadores noutras tierras. La çpesa aumenta, nin que seia solo por ls tresportes i l comer.
L Lamas jogaba an contra-ataque i fizo 1-0
L Jogo passou a fazer-se solo ne l meio campo
Se se pónen solo jogadores d’acá tenemos que mos ir cuntentando cun aqueilho que son capazes de fazer. Ye cierto que este anho tenemos ls d’acá que quejírun jogar, porque inda houbo quien fusse a jogar para fuora, porque le pagában l que l Sendin nun podie i alguns de fuora, mas nun habie cundiçones de traer mais i melhores.
L Sendin sien fuorça i cun l campo assi, perdiu
Assi sendo, tenemos que ir andando i nun se puode eisigir muito. Este Demingo bino acá l Lamas, que este anho ten jogadores de l Macedo, que anda na III Debison i perdimos, eilhes éran mais fuortes i teníen mais spriência.
Sendin – 0
Lamas –-1
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
