Picuote ten tamien un campo de ténis i na freguesie, que ye costituida tamien por Barrocal de l Douro, ten mais dous. Ye pena que fágan las cousas i apuis naide las outelize. Quando beio ls torneios de ténis de l Storil, lembro-me siempre de ls campos de l Barrocal de l Douro, adonde ourganizabamos torneios i lebabamos ls alunos.
L campo de ténis
Parece que hai giente que quier tornar a dinamizar las cousas i inda bien, fui esso que fumos ber. La manhana estaba buona i ls porsores de Sendin lebórun dues turmas a daprender a jogar ténis, mas tamien a jogar boleibol, nun campo mesmo al lado de l campo de ténis.
L campo de boleibol
Todas las aldés ban tenendo mais sítios para nuobas atibidades i Picuote ye ua deilhas, cun l sou campo de jogos, mesmo acerca de ua barraige que fazírun nun ribeiro que passa acerca de l pobo. Tamien recuperórun un molino, falta agora amanhar ls terrenos alredor para se passáren alhi uns dies de férias.
L molino
L niu de la ciguonha
L sitio ye tan buono, que mesmo la ciguonha fizo eilhi l niu adonde criou dous ciguonhicos, que son la garantie de que la sue geraçon cuntina.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
