Ye un de ls acuntecimentos mais anteressantes de la bida social de Sendin. Las sendinesas fázen todos ls anhos ua cena-fiesta solo para las mulhieres i nesse die son ls homes que las ban a serbir. Nun se trata de nanhun mobimento femenista mas de un die de cumbibio çfrente, an que las mulhieres sendinesas son las reinas.
Patrícia, Eliana i Gisela spéran que todas chéguen
L jantar ajuntou muita sendinesa de todas las eidades
Julieta, Elisinha i Fernanda – ye cocacola
Mas nun se trata de fazer solo ua cena, mas de cumbibir i passáren ua nuite animada, an que nun fáltan la música, la dança i jogos debertidos que fázen deste die un sfregante de alegrie en que las tristezas i canseiras de la bida quédan para trás, inda que por pouco tiempo, mas que dá un segneficado mais saludáble i agradáble a la bida.
L jogo de l balon
Mas esta nuite de fiesta ye tamien ua afirmaçon de que las sendinesas son alegres i púoden ribalizar an beleza cun las mulhieres de l JET SET de Lisboua ou de l Porto, até porque son mais pimponas que muitos modelos de la alta ruodra social.
Íris i Patrícia
Cristina i Eduarda
Teresa i Clementina
Apuis de berdes estes retratos dezi alhá se nun tenemos rezon. Muitos mais retratos hai para ber, mas eiqui solo ye para bos dar la ambora de la cena, ls outros teneis que ir a Vanessa ou a Matilde para bos ls amostráren.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
