L presidente de la Junta de Freguesie einougurou la casa de l pouliteiro aporbeitando las fiestas de la bila. Apuis de la sesson solene de las fiestas, que fui la çpedida de trés pessonas a quien Sendin queda agradecido. L presidente de la Junta , que tubo que sustituir l presidente eileito, que saliu por rezones pessonales i que cumpriu l melhor que sabie l cargo, mas que l partido nun candidata.
La mesa de la sesson ne l salon de la Junta
La einouguraçon pul presidente de la Junta
L presidente de la cámara, que candidatou la obra i pagou l que cumpetie a la Junta , mas que nun se candidata de nuobo i l Gobernador Cebil que deixa tamien l cargo porque se bai a candidatar a la cámara de Bergáncia i que siempre se cunsiderou sendinés zde que se casou cun ua sendinesa i que siempre soubo tratar bien a Sendin i als sendineses.
La casa de l pouliteiro
Ls pouliteiros dançórun i fazírun alas para las pessonas antrar
L presidente falou de la obra, an mirandês i agradeciu a quien financiou la obra. L presidente de la cámara tamien referiu que staba cuntento por deixar esta obra para ls pouliteiros. Falou tamien l porsor Almendra, que l fizo an sendinés, para apresentar ua propuosta scrita para que todos déien l cuntributo para se fazer la stória de ls pouliteiros i que el yá ampeçou.
La decoraçon de la casa
L respunsáble puls pouliteiros i sou ansaiador, Óscar Ferra recebiu las chabes de la casa i prometiu dar-le l debido uso. Esta casa fui la casa de ls correios i apuis de amanhada la purmeira beç, fui la purmeira sede de l Centro Cultural i onde ls pouliteiros guardában la roupa.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
