Stá-se a fazer an Sendin, un curso de praticas de tequenicas-comerciales i que yá uns meses ten dado que falar, porque ten sido un curso feito cun muita cumpeténcia i dedicaçon por parte de las formandas i de las formadoras, mas para alhá de las matérias própias de l curso, ténen feito muita açon cultural para dinamizar Sendin.
L que apropón l curso
Ua besita a Sendin
L roteiro turístico feito an tecelage
Son bariadas las cousas que daprénden i todo ye acumpanhado cun açones práticas, porcurando siempre atrabeç de grupos de trabalho, fazéren tamien ua ambestigaçon de la stória i tradiçon de la bida comercial de ls tiempos anti(g)os i de la que se faç hoije, fazendo siempre ua cumparaçon que ye mui baliosa.
Ls licores
Ls doces
Mas l mais amportante ye daprendéren a sabéren falar cun las pessonas que porcúran l comercio tanto al telifone cumo pessonalmente. Sabéren bender ls pordutos i sabéren apersenta-los ye tamien ua de las tequenicas que ban daprendendo i para que todo Seia mais fácele fázen besitas i sposiçones.
Relaçones cun las pessonas
La sposiçon
Para amostráren ls sous trabalhos i para que l Festibal Antercéltico de sendin seia mais rico culturalmente, fazírun ua sposiçon de las sues atibidades i de l próprio curso, mas fázen triato tamien.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
