Cumo ben sendo uso zde hai cinco anhos, la Associaçon de Pauliteiros de Sendin ourganiza un festibal de folclore. Yá habien sido feitos festibales mais bezes, mas cun regularidade i cun data marcada, ne l Demingo antre l Festibal Antercéltico i la fiesta de Santa Bárbela, solo ne ls últimos cinco anhos.
La fanfarra
L Grupo de Pauliteiros de Sendin
L festibal ampeça cun un çfile de ls ranchos por la rue percipal de Sendin, sendo anunciado por la fanfarra de ls Bumbeiros. L çfile ten las sues reglas, seguindo ls grupos por orde de antiguidade, abrindo l çfile l Rancho Anfantil de Sendin i cerrando l Grupo que ourganiza l festibal, que neste caso fúrun ls pauliteiros.
Habie muita giente
L rancho anfantil de Sendin
Este anho partecipórun solo quatro grupos yá que un faltou por rezones amprebistas i que nun le permitírun benir. Ls ranchos cumbidados fúrun l “Grupo de danças e cantares de Vilar do Pinheiro – Vila do Conde” i l “Grupo Cultural - os medroenses – Santa Marta de Penaguião”.
Ls medroenses – Santa Marta
L Grupo de Vila do Conde
Stubo muita giente ne l Sagrado a ber l festibal, solo fui pena las cundiçones de l sitio adonde dançórun, nun habéren sido las melhores, mas fui ua licion para ls prócimos anhos se fazéren las cousas doutro modo. Ls grupos dórun l sou melhor i fúrun mui acarinados por todos.
Ne l sitio de ls retratos podeis ber la atuaçon de ls ranchos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
