Tols anhos se fázen ua ó dues batidas a las raposas para se cuntrolar l númaro de raposas i defender ls coneilhos i las perdizes que las malinas ténen ido fazendo zaparecer. La Associaçon de caça de Sendin ten feito repoboamentos dessas spécies, mas mesmo assi i todo ten sido defícele mantener l’eiquelibrio antre todos esses animales.
L termo
L que fizo la caldeirada
L nuosso prato (ser jornalista nun ye assi tan malo!)
Las batidas sírben tamien para un die de cumbibio antre ls sócios, que se ajúntan na hora de l’almuorço, ne l sitio de las conelheiras de la Associatiba , adonde cómen la caldeirada de cochino brabo de ls que caçórun nas montaries anteriores. Ye eiqui adonde se faç la criaçon de coneilhos i perdizes, para fazéren ls repoboamentos. Un die yá bos amostraremos un bideo de las conelheiras.
L’almuorço i l cumbibio
Ne l fin l presidente dou las anformaçones girales
Por la manhana ajúntan-se ls caçadores acerca de la capielha de San Sebastian i cómen l desaiuno i recíben las anformaçones de cumo haberán de fazer la batida para todo correr bien i haber orde, porque cun armas hai que cumprir todas las reglas de sigurancia. Apuis ban para ls sítios que le calhórun i faç-se la caçada. Este anho caçórun-se dues raposas, mas l mais amportante fui l cumbibio i dáren-se cunta de la realidade que ye la Associatiba.
Manhana podeis ber l bideo de la batida
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
